Sinoptyki: 13 listapada — daždžy i mokry śnieh
Mokry śnieh i doždž čakajucca 13 listapada ŭ Biełarusi, paviedamili BiełTA ŭ Respublikanskim centry pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Minpryrody.
Prahnazujecca vobłačnaje z prajaśnieńniami nadvorje. Nočču pa paŭdniovym zachadzie, dniom na bolšaj častcy terytoryi krainy čakajucca mokry śnieh i doždž. Dniom u asobnych rajonach apadki buduć mocnyja.
Viecier budzie pieramiennych kirunkaŭ, umierany, dniom pa paŭdniovym uschodzie paryvisty. Tempieratura pavietra ŭ načnyja i ranišnija hadziny składzie ad minus 2 da plus 3 hradusaŭ, u druhoj pałovie dnia pavysicca da plus 7 hradusaŭ.