Navapołackim čynoŭnikam prapanavali biaspłatny basiejn?
Čytač «Našaj Nivy» dasłaŭ u Redakcyju zahad, vydadzieny načalnikam adździeła adukacyi sporta i turyzma Navapołackaha harvykankama Piatrom Apanovičam. Pavodle jaho, supracoŭnikam adździeła zrobiać naviedvańnie basiejnaŭ biaspłatnym. A voś nastaŭnikam haradskich škoł — za 50% ad cany.
«Kali jany naohuł nie chodziać u basiejn anijak, to treba ich tudy zavabić», — tłumačyć Piotr Apanovič. Pa jaho słovach, siłaj nikoha nie paciahnuć — usio vyklučna dobraachvotna.
«Pryčym, heta nie čynoŭnikam my prapanujem biaspłatna, a supracoŭnikam sistemy adukacyi — nastaŭnikam, vychavacielam, — zapeŭnivaje jon. — Čynoŭniki płaciać, ja i sam płaču».