Aŭstralijcy prahałasavali za prava hiejaŭ na šluby
Vybarščyki ŭ Aŭstralii bolšaściu ŭ 61,6% hałasoŭ vykazalisia na refierendumie za lehalizacyju adnapołych šlubaŭ, paviedamlaje Aŭstralijskaje biuro statystyki.
Refierendum nie maje abaviazkovaj siły, ale premjer-ministr Malkolm Turnbuł, kali stali viadomyja vyniki hałasavańnia, paabiacaŭ źmianić zakanadaŭstva krainy da Rastva.
«Miljony [aŭstralijcaŭ] skazali svajo słova, i jany pieravažnaj bolšaściu hałasoŭ vykazalisia za roŭnaść pravoŭ na šlub. Jany skazali «tak» spraviadlivaści, «tak» šlubnaj viernaści, «tak» lubovi. Ciapier pryjšoŭ čas nam tut, u parłamiencie Aŭstralii, zrabić svaju spravu», — zajaviŭ Turnbuł.
Hałasavańnie pravodziłasia pa pošcie i praciahvałasia vosiem tydniaŭ. U im uziali ŭdzieł 12,7 miljona čałaviek, što składaje 79,5% vybarščykaŭ.