U Voršy pačalisia Dažynki
Siońnia ŭ Oršy pačaŭsia respublikanski fiestyval‑kirmaš «Dažynki‑2008». Tradycyjnaje šeście ŭdzielnikaŭ i haściej śviata pa vulicach horada adkryŭ marš‑parad 10 duchavych arkiestraŭ ustanoŭ kultury Viciebskaj vobłaści.
Bolš jak 700 pieradavikoŭ žniva, kiraŭnikoŭ haspadarak, pradpryjemstvaŭ i arhanizacyj krainy nakiroŭvajucca pa vulicach horada da hałoŭnaj sceničnaj placoŭki śviata, ustanoŭlenaj na centralnaj płoščy kala ścien staradaŭniaha jezuickaha kalehiuma.
Narodnyja i falkłornyja kalektyvy Viciebskaj vobłaści zaprašajuć haściej na tematyčnuju prahramu «Dobry dzień, hościejki, u našu chatu». Najlepšyja tvorčyja kalektyvy Oršy pradstaviać kancert‑akcyju «My — biełarusy!». Bolš jak 1,5 tys. artystaŭ vystupiać za čas fiestyvalu.
U horadzie pastavili kala 400 handlovych paviljonaŭ, ahulnaja praciahłaść handlovych radoŭ składzie amal 5 km.