Ideja na śniadanak: makavyja syrniki ŭ duchoŭcy
Šukajučy sposab raznastaić prysutnaść tvarahu ŭ našym racyjonie, ja pryhadała padhledžanuju niekali ŭ siecivie ideju zapiačy zvykłyja syrniki ŭ duchoŭcy. Muž prapanavaŭ dadać u ich mak… Tak u našaj siamji źjaviŭsia novy «śniadankavy» chit.
Syrniki z duchoŭki atrymlivajucca z tonkaj skarynkaj zvonku i vielmi dalikatnyja ŭnutry. Da taho ž, zapiečanyja jany bolš karysnyja, čym pasmažanyja na patelni. Praporcyi składnikaŭ možna varjiravać pavodle ŭpadabańniaŭ, ja dam prykładnuju asnovu, jakuju možna lohka padładzić pad svoj hust.
Vam spatrebicca:
- 400 h tvarahu
- 1 vialikaje jajka
- 1—2 st.ł. cukru
- drobka soli
- 3—4 st.ł. muki z horkaj
- 1 č.ł. razrychlalniku
- 2 st.ł. maku
- žmienia razynak
- žmienia kurahi
Jak hatavać:
1. Jajka raścierci z cukram, dadać tvaroh, dobra pieramiašać.
2. Usypać muku z razrychlalnikam i sollu, pieramiašać.
3. Dadać mak (jaho lepiej papiarednie zmałoć u kavamołcy, albo zalić na niekalki chvilin kipniem i raścierci ŭ stupcy — tak jon addaść našmat bolš vodaru i smaku), razynki i drobna parezanuju kurahu, dobra pieramiašać.
4. Nadać syrnikam lubuju formu (na fota źvierchu jany sfarmavanyja z dapamohaj dźviuch łyžak, atrymalisia takija niby mini-piražki, nižej — źleplenyja ŭručnuju), vykłaści na blachu. Zapiakać na 180°S da zarumiańvańnia. Padavać možna sa śmiatanaj z dadatkam cukru i cynamonu, choć i sami pa sabie jany atrymlivajucca vielmi smačnyja.
Hatujcie taksama:
- Duchmianaje jabłyčnaje piečyva
- Košyčki ź jabłykami i šviejcarskaj mierenhaj
- Bliny z syram i zielaninaj
- Aładki ź jabłykami
- Harbuzovy kieks ź jabłykami, žuravinami i arechami
- Dva VIDEArecepty haračych i chałodnych buterbrodaŭ
- Piečyva z žuravinami
- Jabłyčny kieks z syram