Rada IAAF praciahnuła termin zabarony na vystup rasijskim lohkaatletam. Biełaruś zastajecca pad nahladam
Mižnarodnaja asacyjacyja lohkaatletyčnych fiederacyj (IAAF) pryniała pradkazujemaje rašeńnie praciahnuć adchileńnie rasijskaj fiederacyi lohkaj atletyki, paviedamlaje Deutsche Welle z Manaka.
«Rada IAAF paćvierdziła rekamiendacyju <…> ab adchileńni dadzienaj [rasijskaj] arhanizacyi», — havorycca ŭ rašeńni Rady asacyjacyi, pasiadžeńnie jakoj prajšło ŭ niadzielu, 26 listapada, u Manaka.
Rasijskija spartsmieny zmohuć udzielničać u mižnarodnych turnirach tolki pad niejtralnym ściaham. Na pasiadžeńni było taksama vyrašana pakinuć u sile nazirańnie za vykanańniem dopinhavych praviłaŭ fiederacyjami Biełarusi, Ukrainy, Kienii i Efiopii.
Členstva Rasii ŭ Mižnarodnaj asacyjacyi lohkaatletyčnych fiederacyj było prypyniena ŭ 2015 hodzie na fonie maštabnaha dopinhavaha skandału. Tady ž IAAF stvaryła pracoŭnuju hrupu dla sumiesnaj realizacyi «darožnaj karty» pa adnaŭleńni rasijskaj fiederacyi ŭ pravach. Adnak rasijski bok vykanaŭ nie ŭsie ŭmovy dla adnaŭleńnia ŭ šerahach IAAF.