U Polščy ŭviaduć zabaronu na prodaž ałkaholu paśla 22:00
Siejm Polščy pryniaŭ papraŭki da Zakona ab vychavańni ćviarozaści, jakija dazvolać miascovym orhanam ułady ŭvodzić abmiežavańni na prodaž ałkaholnych napojaŭ pa-za miescam pakupki ŭ načny čas, pamiž 22:00 i 6:00. Taksama miascovyja ŭłady zmohuć samastojna vyrašać, ci buduć abmiežavańni dziejničać na terytoryi ŭsioj hminy, albo tolki ŭ jaje peŭnych rajonach, piša Radyjo Polšča.
Za hetuju papraŭku prahałasavali 246 deputataŭ, suprać — 161 parłamientaryjaŭ, jašče 20 čałaviek ustrymalisia.
Zakon taksama ŭvodzić novyja praviły spažyvańnia vypiŭki. Tak ŭžyvańnie ałkaholu ŭ hramadskich miescach budzie zabaroniena, za vyklučeńniem terytoryj, pryznačanych dla hetaj mety.
Akramia taho, papraŭki abmiažujuć dostup da ałkaholu. Pakazvajučy maksimalnuju kolkaść kropak jaho prodažu, miascovyja ŭłady pavinny praduhledzieć miescy, dzie pradajecca piva i ałkahol da 4,5%. Siońnia hetyja słabaałkaholnyja napoi nie ŭličvajucca pry vydačy handlovych dazvołaŭ.
Čakajecca, što zakon ustupić u siłu z 1 studzienia 2018 hoda.