Nieviadomyja skrali źbieražeńni ŭ 90-hadovych starych u Minsku
Śledčy kamitet pačaŭ kryminalnuju spravu pa kradziažy 2700 rubloŭ — źbieražeńniaŭ staroj pary, z kvatery na vulicy Anharskaj u Minsku, piša sk.gov.by
23 listapada mužčyna i žančyna siarednich hadoŭ zajšli dadomu da piensijanieraŭ pad padstavaj abmienu kupiur ŭzoru 2009 hoda na bolš novyja. Piensijaniery, 88-hadovy mužčyna i jaho 89-hadovaja žonka, na hetuju prapanovu nie pahadzilisia, patłumačyŭšy, što im treba paraicca z rodnymi.
Tady naviedvalniki stali adciahvać uvahu haspadaroŭ razmovami i prośbami padpisać roznyja dakumienty. Paśla sychodu nieznajomcaŭ tyja vyjavili źniknieńnie źbieražeńniaŭ, 2700 rubloŭ, i raspaviali pra heta svajaku, jaki źviarnuŭsia ŭ milicyju.