Italjaniec pradaje siadzibu pad Minskam, jakuju budavaŭ dla siabie, za miljon dalaraŭ
Dom-siadziba znachodzicca za 22 kiłamietry ad Minska, u vioscy Traskoŭščyna (Rakaŭski kirunak). Za vialikim učastkam — bierah raki Isłač i stary cahlany młyn.
Zaraz, kali niama listoty, jon dobra bačny z terasy doma. Budavali siadzibu dla italjanca pa imieni Džakama. Prajektam zajmałasia biełaruski architektar-dyzajnier Maryna Macal. Jana raspaviała Tut.by, jak stvaraŭsia dom, jaki ciapier acanili amal u miljon dalaraŭ i vystavili na prodaž.
Fota: pradstaŭlena Marynaj Macal.
— Haspadar chaty — italjaniec, rodam ź Miłana, — raspaviała Maryna Macal. — Śpiecyfika pracy abaviazvaje jaho byvać u roznych krainach, u tym liku i ŭ našaj. Čatyry hady tamu Džakama zachacieŭ pabudavać u Biełarusi dom. Jon časta raskazvaŭ pra Čechaŭski dom-muziej u Maskvie i kazaŭ, što chacieŭ by sabie damok takoha ž płana. My z mužam Maksimam (jon z budaŭničym padychodam, ja — z dyzajnierskim) namalavali eskiz prajekta.
Dom-muziej Čechava ŭ Maskvie. Fota: vsedomarossii.ru
Džakama prajekt spadabaŭsia, ale pierad budaŭnictvam jon chacieŭ paraicca ź siabram-architektaram ź Miłana. Toj vonkava pachvaliŭ dom, a pa płaniroŭcy ŭnios zaŭvahi i praŭki. Naprykład, uvachod u sanvuzieł raźmiaściŭ praz harderobnuju, u stałovuju — praz haścinuju.
Fota: pradstaŭlena Marynaj Macal
— Mnie daviałosia abaraniać svoj prajekt, dakazvać erhanomiku pamiaškańniaŭ — i mnie heta ŭdałosia. U vyniku Džakama pryniaŭ toj varyjant, jakija my jamu prapanavali pieršapačatkova.
Płošča doma — 300 kvadratnych mietraŭ. Budavali jaho z naturalnych materyjałaŭ: ścieny z brusa, na dachu — słancavaja dachoŭka, draŭlanyja škłopakiety.
— Byŭ niuans z koleram fasada, — z uśmieškaj uspaminaje Maryna. — Džakama ŭsio ŭhavorvaŭ mianie rabić fasad brudna-ružovym, jak Dom-muziej Čechava. Ja ž nastojvała na ŭniviersalnym šerym kolery i biełych akanicach — tak i vyrašyli.
Na pieršym paviersie doma raźmiaścilisia piaredni pakoj, haścioŭnia, stałovaja i kuchnia.
Fota: pradstaŭlena Marynaj Macal
Mižpakajovyja dźviery i ŭsio, što tyčycca ŭnutranaj stalarki, kuchnia z masivu dubu — usio było vyrablena ŭ Biełarusi. Ideja raskładki draŭniny fasadaŭ u kuchni, praŭda, była zapazyčanaja ŭ viadomaj italjanskaj fabryki.
Fota: pradstaŭlena Marynaj Macal
Fota: pradstaŭlena Marynaj Macal
— U Džakama było pažadańnie, što ŭsio ŭ domie pavinna być naturalnym. Padłoha, ścieny, stol — draŭlanyja. Adzinaje, kab nie było adčuvańnia łaźni, ścieny i stol my farbavali ŭ bieły koler. Padłohu z masiva chvoi pakryli jakasnym składam (alej + vosk) viadomaha niamieckaha vytvorcy, kab było adčuvańnie troški abvietranaha dreva. Padłoha na kuchni i častkova ŭ sanvuzłach zroblena sa słancu. Tkanina na zanavieskach, na kanapach — usio lon, voŭna, bavoŭna, kašmir abo spałučeńnie hetych tkanin.
Fota: pradstaŭlena Marynaj Macal
Fota: pradstaŭlena Marynaj Macal
Na druhim paviersie doma — try spalni, da kožnaj ź ich prymykaje sanvuzieł. U spalni haspadaroŭ jość kamin, harderobnaja i bałkončyk ź vidam na voziera. U sanvuźle abstalavany chamam.
Abstanoŭka ŭ dom kuplałasia ŭ Italii.
Fota: pradstaŭlena Marynaj Macal
Fota: pradstaŭlena Marynaj Macal
— Śpiecyjalna dla hetaha latała ŭ Miłan na vystavu, — raspaviadaje Maryna Macal. — U nas z Džakama za adzin dzień udałosia tam vybrać litaralna ŭsio: meblu, śviacilni, tekstyl, paścielnuju bializnu jaho lubimaj marki.
Fota: pradstaŭlena Marynaj Macal
Pracujučy nad domam u cełym, Maryna Macal nie prytrymlivałasia niejkaha adzinaha stylu.
— Udałosia źmiašać niekalki stylistyk. Architektura doma, chutčej, bližejšaja da anhła-amierykanskaj kłasiki. Vykarystańnie naturalnych materyjałaŭ, spałučeńnie patreskanaha dreva ź italjanskaj meblaj vysokaha ŭzroŭniu — heta spałučeńnie jak byccam by zališnie polusnych rečaŭ. Chacieli stvaryć taki biełaruska-jeŭrapiejski dom — i vynikam zastalisia zadavolenyja.
Fota: pradstaŭlena Marynaj Macal
Dom-siadziba aciaplajecca pryrodnym hazam. U dadatak da aŭtamatyčnaj sistemy aciapleńnia ŭ haścinaj jość adkryty kamin, a ŭ hałoŭnaj spalni — kamin z zakrytaj topkaj. Usie vilhotnyja pamiaškańni majuć prymusovuju sistemu vientylacyi: čatyry sanvuzły, tureckaja łaźnia (chamam), topačnyja, harderobnaja pry hałoŭnaj spalni i kuchnia. Na ŭčastku — śvidravina, stancyja vodapadrychtoŭki (ačystki i pamiakčeńnia vady), a taksama stancyja bijałahičnaj ačystki.
Fota: pradstaŭlena Marynaj Macal
Pobač jość haściavy domik, jaki zastaŭsia jašče ad raniejšych haspadaroŭ učastka. Jaho razabrali, pačyścili, uziali i skłali nanova. Unutry doma jość nievialikaja spalnia, kuchnia, haścioŭnia — usio abstaŭlena meblaj z IKEA.
Pradajecca dom za 970 tysiač dalaraŭ u ekvivalencie.