Instagram pačaŭ testavać ułasny mesendžar, jaki pryjdzie na źmienu raździełu Direct
Sacyjalnaja sietka Instagram pačała testavać ułasny mesendžar — dadatak dla abmienu paviedamleńniami, jaki atrymaŭ nazvu Direct. Takuju ž nazvu maje raździeł Instagram dla abmienu asabistymi paviedamleńniami, jaki ŭžo isnuje.
Ciapier novy mesendžar pracuje ŭ testavym režymie ŭ šaści krainach — Izraili, Italii, Partuhalii, Turcyi, Čyli i Uruhvai. Data hłabalnaha zapusku jašče nie pryznačanaja.
Direct stanie anałaham dadatku Messenger ad Fejsbuka, jaki zarekamiendavaŭ siabie nie vielmi zručna ŭ niekatorych situacyjach.
Naprykład, kali vy karystajeciesia dadatkam Facebook i raptam zachacieli napisać kamuści paviedamleńnie, naciskańnie adpaviednaje knopki pryvodzić da adkryćcia dadatku Messenger, što zajmaje peŭny čas, jaki asabliva zaŭvažny na niedarahich abo starych madelach smartfonaŭ, chutkaść pracy jakich pakidaje žadać lepšaha. Raniej paviedamleńniami možna było abmieńvacca niepasredna ŭ dadatku Facebook, i heta było chutčej.