U Kijevie prajšoŭ marš prychilnikaŭ Saakašvili
Ukrainskaja praŭda
U parku Šaŭčenki ŭ Kijevie pačaŭsia mitynh prychilnikaŭ zatrymanaha lidara «Ruchu novych sił» Saakašvili za impičmient, paviedamlaje Ukrainskaja praŭda. Na jaho sabralisia, pa roznych acenkach, niekalki tysiač čałaviek.
Da šeścia pavinny dałučycca žonka Saakašvili Sandra Rułafs, paplečnik eks-prezidenta Hruzii David Sakvarelidze, pazafrakcyjnyja nardepy Juryj Dzieravianka i Viktar Čumak.
Ludzi prajšli Majdana Niezaležnaści.
Sa sceny Majdana da ŭdzielnikaŭ źviarnulisia narodnyja deputaty i členy partyi.
U pryvatnaści, narodny deputat Śviatłana Zališčuk zaklikała prysutnych prahałasavać za pietycyju ab razhladzie ŭ parłamiencie zakonaprajekta ab impičmiencie prezidentu Ukrainy, a paplečnik Saakašvili David Sakvarelidze zaklikaŭ udzielnikaŭ mitynhu prajści da SIZA Słužby biaśpieki Ukrainy, dzie ŭtrymlivajecca zatrymany ŭ piatnicu lidar «Ruchu novych sił».