Dzikaść: u Łunincy druhakłaśnika za hrošy ŭhavaryli źniać štany i stać na karački pierad sabakam
Za raspaŭsiud parnahrafii pierad zakonam adkažuć čaćviora łunincaŭ, u tym liku adzin niepaŭnaletni, paviedamlaje «Miedyja-Paleśsie».
Toje, jak sabaka ciorsia ab jahadzicy chłopca, siabry źniali na videa, a paśla raspaŭsiudzili rolik u sietcy.
— Abvinavačvańnie pa artykule 343 zaŭv. častka 2 KK RB «Raspaŭsiud parnahrafii z vyjavaj niepaŭnaletniaha» pradjaŭlenaje čaćviarym žycharam uzrostam ad 17 da 23 hadoŭ, — prakamientavała «Miedyja-Paleśsiu» namieśnik prakurora Łuninieckaha rajona Volha Bahatyrevič. — Kryminalnaja sprava nakiravanaja prakuroram u sud.
Incydent adbyŭsia 7 žniŭnia. Chłopca ŭhavaryli stać na karački pierad sabakam, paabiacali za heta hrošy — 35 rubloŭ. Dali 1,25 rubla. Toje, što adbyłosia, zachavali na videa, adpravili niekalkim karystalnikam sietki internet. Niekatoryja tolki pahladzieli rolik ŭ sacsietcy «Ukantakcie», niekatoryja pierasłali jaho znajomym u asabistych paviedamleńniach.
Videa z udziełam brata ŭbačyła siastra paciarpiełaha i pakazała maci. 28 žniŭnia žančyna źviarnułasia z zajavaj u milicyju.
— Abvinavačanych pa spravie mahło być bolš. Pastanovy ab admovie ŭ zaviadzieńni kryminalnaj spravy pryniatyja ŭ dačynieńni da 12 čałaviek. Videa im prychodziła, ale jany jaho nie raspaŭsiudžvali, — padkreśliła Volha Bahatyrevič.
Usie čaćviora abvinavačanych — sa zvyčajnych siemjaŭ, dvoje ź ich — braty.
Inkryminavanym artykułam praduhledžana pakarańnie ad troch da vaśmi hadoŭ pazbaŭleńnia voli.
***