Raul Kastra paćvierdziŭ datu sychodu ŭ adstaŭku
Lidar Kuby Raul Kastra paćvierdziŭ, što pakinie svaju pasadu 19 krasavika 2018 hoda. Pra heta jon zajaviŭ na pasiadžeńni Nacyjanalnaj asamblei narodnaj ułady.
«Kali 19 krasavika budzie sfarmavany novy skład Nacyjanalnaj asamblei narodnaj ułady, moj druhi i apošni termin na pasadzie kiraŭnika dziaržavy i ŭrada budzie zavieršany. U Kuby budzie novy staršynia», - skazaŭ jon.
Raul Kastra aficyjna ŭznačalvaje Kubu z 2008 hoda, da hetaha pasadu kiraŭnika krainy zajmaŭ jaho brat Fidel. Raul na praciahu 30 hadoŭ byŭ pieršym vice-prezidentam.
Najbolš imaviernym pierajemnikam źjaŭlajecca pieršy vice-prezident, 52-hadovy Mihiel Dyjas-Kanel. Raniej jon zajmaŭ pasadu ministra adukacyi Kuby.