Andrej Aramnaŭ: Jość dumki pierajści pad ściah inšaj krainy. U našych spartyŭnych dziejačaŭ da mianie niesurjoznaje staŭleńnie
Alimpijski čempijon Piekina pa ciažkaj atletycy Andrej Aramnaŭ u čarhovy raz raspavioŭ «Presbołu», što moža vystupić za zbornuju inšaj krainy.
— Kali budzie vaš nastupny mižnarodny start?
— Ja nie viedaju. Ja dastatkova zababonny i vierujučy čałaviek, tamu adkažu dvuma varyjantami. Pieršy varyjant — jak boh daść. Druhi… Budu rychtavacca da startu, jaki projdzie prykładna ŭ kancy nastupnaha hoda, bo zbornuju Biełarusi dyskvalifikavali na hod. Ale kali ja pamianiaju zbornuju, budu vystupać za inšuju krainu, to, moža być, hety start zdarycca našmat raniej. U mianie niama padtrymki ŭ našaj krainie. Tamu jość dumki pamianiać ściah, pad jakim budu vystupać. Niesurjoznaje staŭleńnie da mianie ŭ našych spartyŭnych dziejačaŭ. Ja, viadoma, chaču vystupać za Biełaruś, ja patryjot svajoj radzimy. Ale adnym patryjatyzmam siamju nie nakormiš. Ja zaŭsiody budu lubić Biełaruś, ale treba karmić siamju. Ale ja pavinien vystupić u nastupnym hodzie na adnym mižnarodnym starcie. Kab trapić na Alimpijadu, mnie treba vystupić dva razy. Kali nie vystuplu ŭ nastupnym hodzie, to budzie vielmi składana trapić na Hulni.