U Kiemieravie siamikłaśnikam zadali napisać sačynieńnie pa eratyčnaj apovieści
Tybar Fišar
U rasijskim horadzie Kiemierava nastaŭnica zadała vučniam siomaha kłasa himnazii №1 pračytać apovieść z eratyčnym źmiestam i napisać pa im sačynieńnie. Pra heta paviedamlaje partał Vse42.
Baćki vučniaŭ pabačyli, što ich dzieciam byŭ zadadzieny tvor «Kalekcyjnaja reč» piśmieńnika Tybara Fišera. Aznajomiŭšysia z knihaj i pabačyŭšy ŭ joj sceny intymnaha źmiestu, baćki zabaranili čytać tvor svaim dzieciam.
Taksama jany źviarnulisia da nastaŭnicy z prośbaj rastłumačyć situacyju. Piedahoh adkazała, što źbirajecca z vučniami dziakujučy tvoru «razhladać paniaćcie viečnaści mastactva i cykličnaści času».
U pres-słužbie administracyi Kiemierava zajavili, što haradskoje ŭpraŭleńnie adukacyi stvaryła kamisiju, jakaja budzie raźbiracca ŭ situacyi.