Snoŭden stvaryŭ dadatak, jaki pieratvaraje smartfon u datčyk ruchu i huku, kab abaranicca ad uzłomu i sačeńnia
Były supracoŭnik CRU i Ahienctva nacyjanalnaj biaśpieki ZŠA, prahramist Edvard Snoŭden raspracavaŭ śpiecyjalny mabilny dadatak, jaki zdolny abaranić mabilnyja pryłady ad uzłomu.
Edvard Snoŭden
Raspracavany dadatak z nazvaj Haven zdolny pieratvaryć smartfon u svojeasablivy datčyk ruchu, huku i inšych nietypovych dla pamiaškańniaŭ źmienaŭ.
Jak tolki niechta ŭvojdzie ŭ vaš pakoj, abo prakradziecca ŭ kvateru, abo dakraniecca da pakinutaha ŭ ofisie noŭtbuka, vy atrymajecie adpaviednaje apaviaščeńnie.
Jak pierakonvaje Snoŭden, dadatak nie vykarystoŭvaje vobłačnyja servisy, a dadzienyja pieradaje naŭprost z pryłady na pryładu.
Karystalniki Android-smartfonaŭ užo mohuć skarystacca Haven, zahruziŭšy dadatak z Google Play.