Łukašenka i Pucin sustrenucca 6 kastryčnika ŭ Miensku
Z prapanovaj ab sustrečy vystupiŭ rasiejski premjer, biełaruski lider pahadziŭsia.
Prezydent Biełarusi Alaksandar Łukašenka i premjer-ministar Rasiei Ŭładzimier Pucin sustrenucca 6 kastryčnika ŭ Miensku.
Hetuju infarmacyju raspaŭsiudziła pres-słužba biełaruskaha lidera, źviartajučy ŭvahu na toje, što ab sustrečy paprasiŭ Pucin. Łukašenka pahadziŭsia.
Admietna, što sustreča projdzie napiaredadni dnia narodzinaŭ Pucina, jaki toj śviatkuje 7 kastryčnika.
***
Darečy siońnia rasiejski premjer-ministar zajaviŭ, što ŭ budučyni Rasieja i Hruzija adnoviać stasunki.
«Blizkaja nam kraina, naš susied, my majem ź joj šmatviakovyja poviazi i kantakty, i miarkuju, adnovim dačynieńni ŭ budučyni», -- cytuje słovy Pucina radyjo Echo Moskvy.
Hruzija razarvała dyplamatyčnyja stasunki z Rasiejaj 29 žniŭnia ŭ adkaz na pryznańnie Maskvoj niezaležnaści Abchazii i Paŭdniovaj Asiecii.