«Homiel» na miažy vyletu
U čaćvier prajšli matčy 24‑ha turu čempijanatu pa futbole. Jon adznačyŭsia ŭmacavańniem na pieršym radku barysaŭskaha BATE, a taksama spaŭzańnie ŭ zonu vyletu «Homiela».
U čaćvier prajšli matčy 24‑ha turu čempijanatu pa futbole. Jon adznačyŭsia ŭmacavańniem na pieršym radku barysaŭskaha BATE, a taksama spaŭzańnie ŭ zonu vyletu «Homiela».
Hetyja kamandy syšlisia miž saboj u horadzie nad Sožam. Pieršy tajm haspadaram atrymlivałasia spraŭlacca z atakami ajčynnaha pradstaŭnika ŭ Lizie čempijonaŭ. Adnak u vynik Vital Radzivonaŭ dvojčy taki zmoh pasłać miač u homielskuju ramku — 2:0.
Ciapier adryŭ BATE ad druhoha miesca składaje try punkty (plus majecca hulnia ŭ zapasie). Sprava ŭ tym, što staličny MTZ‑RIPA nia zmoh pieramahčy ŭ haściach «Smarhoń» — 1:1. Pryčym «traktarazavodcy» vyratavalisia za vosiem chvilin da finalnaha śvistka.
Z zony vyletu vyjšaŭ mahiloŭski «Savit». Kamanda davoli niečakana ŭ haściach pieramahła salihorski «Šachcior», jaki, mahčyma, trapiŭ u psychalahičnuju jamu paśla bujnoha projhryšu BATE. «Savit» vioŭ u liku 3:0, ale salihorcy zmahli skaracić da minimumu 3:2. A jašče byŭ niezabity penalci Klimienki. U dadany čas kamandy abmianialisia jašče hałami — 4:3 pieramoha «Savitu».
Apošni matč pad kiraŭnictvam Ihara Kryvušenki praviało mienskaje «Dynama». Hulcy nie padkačali nastaŭnika, atrymaŭšy važnuju pieramohu ŭ Horadni nad «Niomanam» — 1:0.
Astatnija matčy turu prynieśli nastupnyja vyniki: «Dynama» (Bieraście) — «Hranit» — 2:2, «Tarpeda» — «Daryda» — 2:0, «Naftan» — «Lakamatyŭ» — 2:1, «Dniapro» — «Viciebsk» — 1:1.
Turnirnaja tablica pryniała nastupny vyhlad: BATE — 50 punktaŭ (paśla 23 hulniaŭ), MTZ‑RIPA — 50, «Dynama» (Miensk) — 46, «Šachcior» — 42, «Dynama» (Bieraście) — 39, «Viciebsk», «Naftan» — pa 37, «Dniapro» — 34, «Smarhoń» — 29, «Hranit» — 27, «Tarpeda» — 26, «Nioman» — 23, «Savit» — 21, «Homiel» — 20, «Lakamatyŭ» — 19, «Daryda» — 16.
Najlepšy bambardzir Hienadź Bliźniuk (BATE) — 15 hałoŭ.