Na Mars pryjšła zima FOTY
Ziamla — nie adzinaja płanieta, dla jakoj charakternaja źmiena časoŭ hoda. Novyja fotazdymki, zroblenyja NASA, pakazvajuć, jak vyhladaje prychod zimy na Mars.
Źniešni vyhlad Marsa źmianiajecca ŭ zaležnaści ad času hoda. U pieršuju čarhu, piejzaž farmujuć palarnyja šapki, čyja taŭščynia moža składać ad 1 m da 3,7 km. Razrastajučysia abo pamianšajučysia, jany stvarajuć siezonnyja źjavy ŭ atmaśfiery i na pavierchni Marsa.
Tempieratura na płaniecie vahajecca ad -153 °C na kancavośsiach zimoj da +20 °C na ekvatary letam. Dla siarednich šyrotaŭ hetyja pakazčyki składajuć ad -50 °C da 0 °C. Padčas zimovaha panižeńnia tempieratury vuhlakisły haz, ź jakoha pa bolšaj častcy składajecca atmaśfiera Marsa, pieratvarajecca ŭ suchi lod. Jon asiadaje na pavierchni płaniety, «malujučy» samyja roznyja karciny ŭ zaležnaści ad reljefu.
A z prychodam viasny, jak nahadvajuć śpiecyjalisty NASA, suchi lod pačnie raskołvacca, rastavać i vyparacca, i tady pavierchnia Čyrvonaj płaniety znoŭ źmienić svajo abličča.