Ukraina vyprabavała rakiety kompleksu «Hrom-2», svajho anałahu «Iskandera»
U traŭni 2017 hoda ŭ sietcy źjaviŭsia zdymak šasi apieratyŭna-taktyčnaha kompleksu «Hrom-2»:
Fotazdymak apublikavany na rcforum
Pa stanie na siońnia ATRK užo prajšoŭ vyprabavańni ruchavika rakiet, paviedamlaje «Ukrainski militarny partał»:
Vyprabavańni rakietnaha ruchavika da ATRK «Hrom-2»
Jak viadoma, hety kompleks zmoža paražać celi na adlehłaści da 280 km, što adpaviadaje paramietram Režymu kantrolu za rakietnymi technałohijami.
Taksama da palavych vyprabavańniaŭ hatovy i sam ATRK «Hrom-2», mabilnaja puskavaja ŭstanoŭka jakoha zabiaśpiečvaje transparciroŭku i zapusk dźviuch rakiet typu «ziamla-ziamla»:
ATRK «Hrom-2»
ATRK «Hrom-2»
Apieratyŭna-taktyčny rakietny kompleks «Hrom» raspracoŭvajecca dla źniščeńnia adzinočnych i hrupavych stacyjanarnych celaŭ na adlehłaściach ad 50 da 280 km. Bajavy błok adnastupienievaj balistyčnaj rakiety prajektujecca masaj 480 kh. Bajavaja častka mahła być vykanana pa manabłočnaj abo kasietnaj schiemie. Manabłokavaja schiema vykarystoŭvaje askiepkava-fuhasnuju abo pranikalnuju askiepkava-fuhasnuju ampułu.
Bartavaja sistema kiravańnia rakiety kamplektujecca sistemami navihacyi i naviadzieńnia roznaha typu (radyjołakacyjnymi, optyka-elektronnymi).