Samsung anansavała «našyjnik» — dynamik, jaki macujecca da šyi i jaki čuje tolki karystalnik
Napiaredadni vystavy spažyvieckaje elektroniki CES, jakaja štohod prachodzić u Łas-Viehasie ŭ pačatku studzienia, paŭdniovakarejskaja kampanija «Samsunh» pradstaviła novuju raspracoŭku svajho startap-inkubatara C-Lab — liniejku dynamikaŭ S-Ray.
Siarod prademanstravanych pryładaŭ admietnyja «našyjniki». Hetyja dynamiki viešajucca na šyju pa anałohii z navušnikami, jakija čaplajucca da vušej.
U «Samsunhu» abiacajuć, što huk dynamikaŭ nie budzie razdražniać ludziej navokał, i ich budzie čuć tolki karystalnik.
Takaja technałohija dazvolić słuchać muzyku i pry hetym nie hublać suviazi z navakolnym asiarodździem, u tym liku čuć sihnały aŭtamabilaŭ pry pierachodzie praz darohu.