Pamiž Harodniaj i polskaj Sakołkaj źjavicca rovarnaja trasa
Vynikam transpamiežnaha supracoŭnicta pamiž Harodniaj i polskaj Sakołkaj stanie ramont dźviuch kamianic dy pabudova rovarnaj trasy pamiž hetymi haradami. Jak paviedamlaje radyjo «Racyja», na realizacyju prajekta ŭ miežach prahramy «PL-BY-UA 2014—2020» vydzielena amal 2 miljony jeŭra.
U Sakołcy stvorać, a ŭ Harodni adramantujuć turystyčnyja infarmacyjnyja centry. Jak paviedamiła burmistarka Sakołki Jeva Kulikoŭska, daŭžynia trasy składzie bolš za 59 kiłamietraŭ, buduć zakuplenyja rovary. Na pačatkovym etapie płanujuć pakupku prynamsi 30 rovaraŭ z polskaha boku, a taksama 30 ź biełaruskaha boku. Buduć taksama elektryčnyja rovary, bo heta davoli doŭhaja trasa.
U miežach prahramy «PL-BY-UA 2014—2020» taksama buduć realizavanyja transpamiežnyja prajekty, siarod jakich bajdaračny šlach, što złučyć Drahičyn u Biełarusi i Drahičyn u Polščy, pabudova kulturnych centraŭ u polskim i biełaruskim Ščučynach. Realizacyi čakaje kala 58 prajektaŭ na sumu kala 140 miljonaŭ jeŭra.