Jak ciapier vyhladajuć spartyŭnyja abjekty, što budavalisia da Alimpijadaŭ u roznyja hady — sumnyja FOTY
Dla luboje krainy pryniać Alimpijskija hulni — heta vysoki honar. I kali ŭžo vypadaje taki šaniec, ułady imknucca zrabić usio mahčymaje, kab hetaja padzieja, jakaja adbyłasia ŭ ich krainie, nadoŭha zachavałasia ŭ pamiaci ludziej pa ŭsim śviecie. Padčas samoj Alimpijady zaŭsiody prysutničaje atmaśfiera śviata, ale časta hetak zdarajecca, što paśla zhasańnia Alimpijskaha ahnia nadychodzić kaniec hetaj kazcy, i kareta pačynaje pastupova pieraŭtvaracca ŭ nie samy pryvabny harbuz.
Z času zakryćcia Alimpijady ŭ Rya prajšło ŭsiaho paŭtara hoda, ale spartyŭnyja abjekty, jakija budavalisia da hetaj padziei, razvalvajucca na vačach. A pačaŭsia hety praces jašče padčas praviadzieńnia samich hulniaŭ, bo dla budaŭnictva vykarystoŭvalisia nadzvyčaj tannyja materyjały.
Rya-de-Žanejra. Fota: Reuters
Rya-de-Žanejra. Fota: Reuters
Rya-de-Žanejra. Fota: Reuters
Absalutna niepatrebnaj akazałasia infrastruktura, što budavałasia da Alimpijady ŭ Finlandyi. Voś jak zaraz vyhladaje adzin z basiejnaŭ:
Chielsinki. Fota: Associated Press
A takim jon byŭ u 1952 hodzie:
Chielsinki. Fota: Associated Press
Simvalična, što ŭ Afinach, na radzimie Alimpijskich hulniaŭ, zaraz možna znajści bolš za ŭsio zakinutych abjektaŭ. Jany budavalisia da Alimpijady ŭ 2004 hodzie.
Afiny. Fota: Fotobank
Afiny. Fota: Fotobank
Afiny. Fota: Reuters
Afiny. Fota: Reuters
Afiny. Fota: Reuters
Nie mienš sumna vyhladajuć spartyŭnyja abjekty i ŭ haradach inšych krainaŭ, jakija mieli honar prymać Alimpijskija hulni.
Sarajeva. Trasa dla spabornictvaŭ pa babślei, 1984 hod. Fota: Globallookpress
Bierlin. Alimpijskaja vioska, 1931
Turyn. Alimpijskaja vioska, 2006. Fota: Associated Press
Na budaŭnictva infrastruktury dla Alimpijady ŭ 2008 hodzie byli vydatkavanyja niejmaviernyja hrošy — bolš za 40 miljardaŭ dalaraŭ. Mnohija dahetul pamiatajuć jaskravuju cyrymoniju adkryćcia, što prachodziła ŭ novapabudavanym stadyjonie «Ptušynaje hniazdo».
Adzin tolki hety piekinski stadyjon kaštavaŭ 11 miljardaŭ dalaraŭ, ale zaraz jon nie vykarystoŭvajecca pa pryznačeńni i raspradajecca pa častkach roznym kampanijam. Ciapier raniej vieličny budynak vyhladaje davoli zapuščanym: