Aleś Łahviniec skarystaŭ «zbor podpisaŭ na vybary», kab stvaryć fotazonu #BNR100
«Miascovyja vybary» projduć sioleta pa zvyčajnym scenary: heta značyć, bieź niezaležnych pradstaŭnikoŭ u vybarčych kamisijach i biez mahčymaści ŭ ludziej kantralavać padlik hałasoŭ. Tamu kampanija nie vyklikaje nijakaj cikavaści ŭ hramadstva, i bolšaść akruh budzie biezalternatyŭnaj.
Adnak žychar Minska Aleś Łahviniec vyrašyŭ vykarystać vybary dla aśviety. Jahony pieradvybarčy pikiet na vulicy Łabanka, 94 — heta, faktyčna, fotazona. Kožny achvotny moža sfatahrafavacca na fonie Pahoni i nacyjanalnych ściahoŭ.
Na pikiecie dla hetaha jość navat sełfi-kijok.
«Heta fotazona #BNR100», — kaža sam kandydat.
Nahadajem, što 25 Sakavika budzie adznačacca 100-hodździe abviaščeńnia niezaležnaści Biełaruskaj Narodnaj Respubliki.