Bieźbiletnika, jaki pyrsnuŭ piarcovym hazam u kantralora, pakarali bujnym štrafam
U kastryčniku 2017 hoda ŭ Minsku bieźbiletnik pyrsnuŭ piarcovym bałončykam u vočy kantraloru ŭ tralejbusie 29-ha maršrutu ŭ rajonie Sievastopalskaha parku. Bieźbiletnik ŭciok. Kantralor atrymaŭ apiok. Praź niekalki dzion jaho znajšli i zatrymali. Im akazaŭsia 54-hadovy žychar Minska.
Na pačatku studzienia sud vynies svoj vierdykt — štraf amal 2 tysiačy rubloŭ. Pra heta paviedamiła pamočnik staršyni Minskaha haradskoha suda Nastaśsia Šylvian, piša TUT.BY.
5 studzienia sud Pieršamajskaha rajona stalicy vynies prysud: mužčyna pryznany vinavatym u złačynstvie, praduhledžanym č. 1 art. 366 KK (hvałt albo pahroza ŭ dačynieńni da słužbovaj asoby, jakaja vykonvaje słužbovyja abaviazki, abo inšaj asoby, jakaja vykonvaje hramadski abaviazak). Jamu pryznačana pakarańnie ŭ vyhladzie štrafu ŭ pamiery 80 bazavych vieličyń (1960 biełaruskich rubloŭ, abo krychu mienš za 1000 dalaraŭ).
Taksama ź bieźbiletnika spahnanyja ŭ dachod dziaržavy pracesualnyja vydatki.