«Minsktrans» vypuścić novyja tałony z abaronaj ad padrobak FOTA
Pra novyja tałony raspaviała hałoŭny ekanamist filijała «Ahienctva Minsktrans» Iryna Domarava. Vonkava kvitki padobnyja da papiarednich, ale ciapier jany stali haryzantalnymi i z dvuch bakoŭ na ich źjavilisia biełyja pali dla adznaki kampościera.
Domarava raspaviała, što novyja tałony puściać u abarot ź lutaha. Razam ź imi paralelna buduć dziejničać i kvitki staroha ŭzoru.
- My mianiajem dyzajn prykładna raz u hod. Ciapier my heta zrabili ŭ pieršuju čarhu dla zručnaści pasažyraŭ. Uviali dadatkovaje pole, kab bilet było zručna kampastavać z dvuch bakoŭ. Akramia taho, dadali stupień abarony — jana ŭnutry bileta, kab nie padrablali tałony.
Domarava kaža, što adzinkavyja vypadki padrobki tałonaŭ byli, a infarmacyju pra toje, jak ich padrabić, raspaŭsiudžvajuć u internecie.
Cana ž bileta nijak nie źviazanaja z novym dyzajnam tałonaŭ i zastaniecca takoj ža - 60 kapiejek za prajezd u kasie, 65 - u kiroŭcy.
- I ciapier jany stali nie tolki zručniejšymi, ale i bolš simpatyčnymi. Jarkija i pavodle kalarovaj hamy bolš pryjemnyja, - dadaje ekanamist pradpryjemstva.