Padčas rali MAZ zvaliŭsia ź piacimietrovaj vydmy VIDEA
Spartyŭny hruzavik MAZ sarvaŭsia ź piacimietrovaj vydmy, paśla čaho pierakuliŭsia na bok. Niejmavierny kulbit zdaryŭsia padčas rali-rejdu «Dakar» i byŭ zafiksavany na kamieru. Što cikava, užo praz 10 chvilin sportkar pad kiravańniem Siarhieja Viazoviča stajaŭ na kołach i ŭ vyniku navat akazaŭsia šosty na finišy.
Incydent adbyŭsia za kiłamietr ad finišu adnaho z samych składanych śpiecučastkaŭ na terytoryi Pieru. Biełaruski piłot Siarhiej Viazovič vyrašyŭ prajechać nasyp z bakavym uchiłam prosta ŭ «łob», adnak nie ŭličyŭ piacimietrovy abryŭ. Dobra-taki razahnaŭšysia, hruzavik palacieŭ ź vializnaha barchana, niahledziačy na sproby honščyka rezka zatarmazić. Mašyna zvaliłasia ramaj u piasok i ad udaru pierakuliłasia na bok. Sutyknieńnie było nastolki mocnym, što hrukat byŭ čutny za kiłamietr.
U toj ža čas hruzavik absalutna nie paškodziŭsia. Praz 10 chvilin na dapamohu pryjšoŭ MAZ Alaksieja Višnieŭskaha, jaki z dapamohaj trosa viarnuŭ mašynie zvykłaje stanovišča. MAZ akazaŭsia całkam spraŭnym — navat aliva nie vyciekła. Honščyki adrazu ž zaviali aŭtamabil i zdoleli finišavać na šostym miescy.
«Padzieńnie, viadoma, było mahutnym. I nam u niejki momant stała strašna i za siabie, i za techniku. Adnak MAZ pakazaŭ siabie tryvałaj i nadziejnaj mašynaj. Budź na jaho miescy jaki-niebudź inšy aŭtamabil, to nastupstvy mahli b być kudy bolš surjoznymi. U pryncypie incydent choć i niepryjemny, ale jon prademanstravaŭ «charaktar» mazaŭskaj techniki, jakaja hatovaja da lubych situacyj», — adznačyŭ kiraŭnik kamandy Siarhiej Viazovič.