DAI Minska nazvała samyja avaryjnyja dni tydnia
Pa vynikach 2017 hoda najbolš avaryjnymi dniami tydnia ŭ Minsku stali paniadziełak, čaćvier i piatnica. Pra heta BiełTA paviedamili va Upraŭleńni dziaržinśpiekcyi HUUS Minharvykankama
Pavodle statystyki, najbolšaja kolkaść DTZ adbyvajecca ŭ viačerni čas z 18.00 da 21.00. «U 2017 hodzie na terytoryi horada Minska zarehistravana źnižeńnie kolkaści darožna-transpartnych zdareńniaŭ z paciarpiełymi na 15,7% u paraŭnańni z 2016-m. Za 12 miesiacaŭ adbyłosia 488 avaryj, u jakich 588 čałaviek atrymali ranieńni roznaj stupieni ciažkaści i 40 čałaviek zahinuli. Najbolšaja kolkaść ludziej paciarpieła ŭ vyniku najezdaŭ transpartu na piešachodaŭ: ich za hod adbyłosia 217, u vyniku 210 čałaviek byli paranienyja, a 23 zahinuli», — painfarmavali ŭ DAI. U DAI adznačyli, što 74 DTZ adbylisia pa vinie samich piešachodaŭ, u tym liku i 28 najezdaŭ z-za ich niećviarozaha stanu.
Siarod piešachodaŭ samyja raspaŭsiudžanyja parušeńni heta - pierachod u nieŭstanoŭlenym miescy.