Mabilny dadatak pa praduchileńni ciažarnaści pryvioŭ da 37 začaćciaŭ
Šviedski špital abvinavaciŭ u padmanie karystalnikaŭ mabilny dadatak, jaki atrymaŭ ad niamieckaha Ministerstva achovy zdaroŭja aficyjny status kantraceptyva i jakim karystajucca siońnia paŭmiljona žančyn. Pra heta pieradaje engadget.com.
Špitalu Södersjukhuset stała viadoma pra jak minimum 37 vypadkaŭ začaćcia ŭ pieryjad, kali pavodle prahnozu prahramy Natural Cycles žančyny nie mahli zaciažaryć.
Dadatak skanuje tempieraturu cieła padčas mienstrualnaha cykłu i vyznačaje imaviernaść začaćcia. Dni, kali šancy zaciažaryć minimalnyja, paznačajucca zialonym koleram. Kali ž nieabchodna vykarystoŭvać dadatkovyja kantraceptyvy — čyrvonym. Raspracoŭščyki, spasyłajučysia na ŭłasnyja daśledavańni, śćviardžali, što hety dadatak-kantraceptyŭ bolš efiektyŭny za tradycyjnyja tabletki.
Ciapier u svajoj aficyjnaj zajavie pradstaŭniki Natural Cycles zapeŭnivajuć, što «nivodzin srodak kantracepcyi nie daje stoadsotkavaj harantyi, tamu zaŭsiody isnuje ryzyka zaciažaryć».