Bolš za paŭmiljona vieniesuelcaŭ źbiehli ad prablem na radzimie ŭ Kałumbiju
Kolkaść hramadzian Vieniesueły, jakija schavalisia ŭ susiedniaj Kałumbii ad prablem na radzimie, pieravyšaje 550 tysiač čałaviek, paviedamili ŭ piatnicu kałumbijskija mihracyjnyja ŭłady.
«Situacyja ŭ Vieniesuele nie tolki prymusiła tysiačy kałumbijcaŭ viarnucca ŭ Kałumbiju, ale i zrabiła tak, što vieniesuelcy bačać u našaj krainie alternatyvu, kab nakiravacca ŭ inšyja krainy dla žycharstva abo kupli tavaraŭ pieršaj nieabchodnaści», - pryvodzić kanał Globovision vykazvańnie dyrektara mihracyjnaj słužby Kałumbii Kryścijana Kruhiera.
Situacyja ŭ Vieniesuele stała ciažkaj z-za deficytu tavaraŭ, hałapirujučaj inflacyi i padzieńnia dachodaŭ dziaržavy, abumoŭlenaha źnižeńniem koštaŭ na naftu, a taksama masavych pratestaŭ suprać palityki prezidenta Nikałasa Madury.