U žychara Babrujska kanfiskavali 4,2 kh marychuany
Pravaachoŭniki kanfiskavali ŭ babrujčanina bolš za 4 kh marychuany, paviedamlaje BIEŁTA.
Niepracujučy žychar Babrujska abstalavaŭ u siabie doma śpiecyjalnaje pamiaškańnie dla vyroščvańnia kanoplaŭ. Mužčynu zatrymali napiaredadni ŭnačy supracoŭniki adździaleńnia pa narkakantroli i supraćdziejańni handlu ludźmi HUUS i śpiecyjalist-kinołah.
Jak adznačyła ŭ svaju čarhu aficyjny pradstaŭnik Upraŭleńnia śledčaha kamiteta pa Mahiloŭskaj vobłaści Aksana Saleniuk, ustanoŭlena, što ŭładalnik mini-płantacyi pryvioz ziernie narkatyčnaj raśliny z Rasii. Dla vyroščvańnia kanoplaŭ jon admysłova abstalavaŭ pamiaškańnie aśviatlalnymi pryborami, sistemaj arašeńnia i vientylacyjaj.
«U ciapierašni čas u dačynieńni da padazravanaha vyrašajecca pytańnie ab pradjaŭleńni jamu abvinavačvańnia i abrańni miery strymańnia», - dadała Aksana Soleniuk. Spravu rasśleduje Babrujski mižrajonny adździeł Śledčaha kamiteta.