Intryha dnia: vyznačylisia imaviernyja supierniki Biełarusi pa novym futbolnym turniry — Lizie nacyj
Siońnia ŭ šviejcarskaj Łazanie a 14:00 projdzie losavańnie novaha futbolnaha turniru — Lihi nacyj. Usie jeŭrapiejskija zbornyja padzielenyja na dyvizijony A, V, S, D. Novy turnir uvodzicca paralelna z adboračnym turniram UEFA, u tym liku kab pryciahnuć bolš uvahi da matčaŭ zbornych
U A trapili 12 najmacniejšych zbornych, zhodna z rejtynham: Hiermanija, Partuhalija, Bielhija, Ispanija (košyk 1), Francyja, Anhlija, Šviejcaryja, Italija (košyk 2), Polšča, Isłandyja, Charvatyja, Niderłandy (košyk 3). Budzie try hrupy pa čatyry kamandy. Hulni ŭvosień
Biełaruś ličycca adnoj z samych słabych zbornych na kantyniencie (42-je miesca z 55 mahčyčych), tamu trapiła ŭ dyvizijon D, dobra, što ŭ samy mocny košyk:
Košyk 1: Azierbajdžan, Makiedonija, Biełaruś, Hruzija;
Košyk 2: Armienija, Łatvija, Farery, Luksiemburh;
Košyk 3: Kazachstan, Małdova, Lichtenštejn, Malta;
Košyk 4: Andora, Kosava, San-Maryna, Hibrałtar.
Udzielnikaŭ razabjuć na čatyry hrupy pa čatyry kamandy. Matčy projduć uvosień, jak prachodziać tradycyjnyja hulni zbornych: pa dźvie hulni na tydzień u kožny ź miesiacaŭ.
Zhodna z rašeńniem vykankama UEFA, Azierbajdžan i Armieniju raźviaduć pa roznych hrupach. Taksama ŭ suviazi z vysokimi transpartnymi vydatkami u hrupu moža trapić tolki adna para z hetaha śpisu: Andora i Kazachstan, Farery i Kazachstan, Hibrałtar i Kazachstan, Hibrałtar i Azierbajdžan.
Pieramožcy hrup piarojduć u lihu C.
Čatyry lepšych pa rejtynhu zbornych z tych, chto nie vyjšaŭ na JEŬRA-2020 (tam budzie kłasičny adboračny turnir) u sakaviku 2020 hoda razyhrajuć adnu pucioŭku na čempijanat Jeŭropy ŭ stykavym turniry.
H.zn. biełarusam mohuć trapicca pa kamandzie z košyka 2, 3 i 4: naprykład, skład hrupy budzie taki: Biełaruś, Łatvija, Kazachstan, Kosava.