Premjer Polščy ŭ Davosie nazvaŭ Rasiju hałoŭnaj pahrozaj i paraiŭ rychtavacca da jaje ŭvarvańnia va Ukrainu
Samaja vialikaja pahroza Polščy na siońnia zychodzić z boku Rasiei. Takuju zajavu zrabiŭ premjer-ministr respubliki Mateuš Maraviecki, paviedamlaje Rolitico.
«Takim čynam ja staŭlusia da pahrozy z boku Rasiei», — skazaŭ jon žurnalistam na Suśvietnym ekanamičnym forumie ŭ Davosie.
Premjer taksama paraiŭ rychtavacca da «ŭvarvańnia Rasii na Ukrainu». Jon ličyć, što «ŭ vypadku vajny ŭ Danbasie, kali rasijskaje vojska rušyć uhłyb terytoryi Ukrainy» moža adbycca ŭsio što zaŭhodna.
«Zrazumieła, my hetaha nie viedajem; spadziajemsia, viadoma, što nie rušyć. Ale lepš mieć druhuju i treciuju linii abarony, čym zastacca biez takoha vidu zbroi», — upeŭnieny Maraviecki.
Jon taksama padkreśliŭ, što nie ličyć budaŭnictva hazapravoda «Paŭnočny patok-2» biznes-prajektam, pakolki metaj jaho źjaŭlajucca pastaŭki hazu ŭ Zachodniuju Jeŭropu ŭ abychod Ukrainy.
Raniej dziaržsakratar ZŠA Reks Tylersan paśla sustrečy z Maravieckim zajaviŭ, što Vašynhton padtrymlivaje pazicyju Varšavy, jakaja vystupaje suprać prajektu «Paŭnočnaja płyń — 2».