Adbyłosia ŭručeńnie «Hremi»: tryumf Bruna Marsa, Kiendryk Łamar, a taksama pieśnia pra Pucina VIDEA
U Ńju-Jork paśla 15-hadovaha pierapynku viarnułasia hałoŭnaja muzyčnaja premija «Hremi».
Reuters.com
Bruna Mars uznaharodžany premijaj u naminacyi «Pieśnia hoda». Jon atrymaŭ premiju za kampazicyju That's what I like. Statuetku pieramožcu ŭručaŭ Stynh. Mars taksama atrymaŭ premiju za «Najlepšy zapis hoda» — pieśnia 24k Magic i hałoŭnuju naminacyju «Najlepšy albom hoda» — 24k Magic.
Ed Šyran atrymaŭ «Hremi» za najlepšaje solnaje pop-vykanańnie za pieśniu Shape Of You, a taksama priemiju za najlepšy pop-albom ÷ (Divide).
Premiju za najlepšy kantry-albom atrymaŭ Krys Stepłtan, a za najlepšy rep-albom — Kiendryk Łamar, taksama Łamar uziaŭ «Hremi» za rep-vykanańnie i klip.
Naminacyju «Najlepšy novy artyst» vyjhrała Alisija Kara.
A voś «Najlepšuju aranžyroŭku» atrymaŭ kampazitar Rendzi Ńjuman — za pieśniu «Pucin».
Tam jość takija radki:
«Jon moža vieści hihancki traktar / Praz Tranśsibirskuju raŭninu / Jon moža kiravać jadziernym reaktaram / Svaim levym paŭšarjem / I kali jon zdymaje kašulu / Žančyny stračvajuć rozum / Kali jon zdymaje kašulu / Ja chaču być žančynaj».