Parłamient Kanady zrabiŭ nacyjanalny himn krainy hiendarna niejtralnym
1 lutaha Sienat Kanady zaćvierdziŭ źmieny ŭ tekst nacyjanalnaha himna, kab zrabić jaho hiendarna niejtralnym. Ab hetym paviedamlajecca na sajcie kanadskaha parłamienta.
Pryniaty zakon zamianiaje ŭ anhłamoŭnaj viersii himna słovy pra patryjatyčnuju luboŭ «tvaich synoŭ» na «ŭsich nas» («ŭsie syny tvaje» na «ŭsich nas»).
Faktyčna takim čynam parłamient viarnuŭsia da aryhinalnaj viersii himna («ty ŭ nas», «thou dost in us»). Słovy pra «synoŭ» dadaŭ aŭtar vierša Robiert Uir u 1914 hodzie.
Jak paviedamlaje STV News, ciapier dakumientu patrebna tolki farmalnaja karaleŭskaja ŭchvała, to bok podpis hienierał-hubiernatara Kanady.
Zakonaprajekt razhladali paŭtara hoda, pakolki suprać jaho pryniaćcia vystupali sienatary-kansiervatary. U finalnym hałasavańni jany ŭdzielničać admovilisia.
Upieršyniu kanadski himn byŭ vykanany 24 červienia 1880 hoda ŭ Kviebieku arkiestram pad kiraŭnictvam Juzefa fon Viezina. Tady jon ujaŭlaŭ saboj pieśniu na francuzskaj movie, jakaja nazyvałasia «Pieśnia nacyi» (Chant National).
U 1908 hodzie nastaŭnik i juryst z Manreala Uir napisaŭ dla pieśni aryhinalny tekst na anhlijskaj movie «O Kanada» (O Canada), jaki nie źjaŭlajecca pierakładam francuzskaha aryhinała.
Pieśnia stała faktyčnym himnam krainy ŭ 1939 hodzie, ale aficyjna była zaćvierdžana tolki ŭ 1980 hodzie. Da hetaha aficyjnym himnam Kanady byŭ brytanski himn «Boža, bieražy karala/karalevu» («God Save the King/Queen»).