Lečkamisija ŭ Ždanovičach pačnie akazvać płatnyja pasłuhi z 12 lutaha
Respublikanski kliničny miedycynski centr Upraŭleńnia spravami prezidenta pačaŭ pracavać pa novym adrasie - u pasiołku Ždanovičy Minskaha rajona. Ab hetym paviedamlajecca na sajcie centra.
Taksama adznačajecca, što dabracca tudy ź Minska možna na haradskich aŭtobusach № 189E i № 190E, dajechaŭšy da prypynku «Respublikanski kliničny miedycynski centr».
Jak rastłumačyli ŭ centry, płatnyja pasłuhi pačnuć akazvać prykładna ź siaredziny miesiaca — z 12 lutaha. U daviedačnaj paprasili sačyć za abnaŭleńniami na sajcie.
Nahadajem, raniej hałoŭny doktar Respublikanskaha kliničnaha miedycynskaha centra Iryna Abielskaja adznačała, što centr zmoža absłuhoŭvać da 10 tysiač čałaviek, piša Tut.by.