Dziaŭčyna ŭ Minsku abkradała žančyn u dzień piensii
U Minsku 20-hadovaja dziaŭčyna krała hrošy ŭ žančyn u dzień vydačy piensii, paviedamlaje pres-słužba minskaj milicyi.
U Pieršamajski RUUS pastupiła niekalki zajaŭ ab kradziažy majomaści z kišeniaŭ adzieńnia i sumak. Vyśvietliłasia, što da kradziažoŭ datyčnaja 20-hadovaja žycharka Barysava.
Achviarami byli žančyny stałaha ŭzrostu, abo tyja, chto zabyvaŭ zakryć svaju sumačku. Dziaŭčyna na pošcie adznačała tych, chto atrymlivaŭ piensiju. Jak praviła, z pošty mnohija išli ŭ kramu. Dziaŭčyna sačyła za imi, čakała zručnaha momantu, a potym krała, vykarystoŭvajučy dla prykryćcia šalik.
Cikava, što niekatoryja členy siamji padazravanaj taksama byli raniej sudzimyja za kišennyja kradziažy.