Japonija ažyćciaviła zapusk samaj maleńkaj u śviecie rakiety-nośbita
Japonskaje aerakaśmičnaje ahienctva zrabiła zapusk samaj maleńkaj u śviecie rakiety-nośbita SS-520, paviedamlaje japonskaje vydańnie Nikkei.
Zapusk rakiety adbyŭsia z kasmadroma Ucinaŭra ŭ paŭdniovaj prefiektury Kahasima. Start adbyŭsia ŭ 14:03 pa miascovym časie (08:03 pa Minsku). Jak adznačaje vydańnie, rakieta pavinna vyvieści na arbitu spadarožnik suviazi.
SS-520 źjaŭlajecca samaj maleńkaj rakietaj u śviecie, jakaja zdolnaja vyvieści na arbitu štučny spadarožnik. Dyjamietr SS-520 składaje 52 sm, a jaje vaha — 2,6 t.
Zapusk SS-520 Japonija taksama zrabiła ŭ studzieni 2017 hoda. Start adbyŭsia z kasmadroma Ucinaŭra, rakieta była zabiaśpiečana zvyšmałym spadarožnikam. Jaho vyšynia składała ŭsiaho 35 sm.