Prezident Finlandyi staŭ baćkam u 69 hadoŭ
Prezident Finlandyi Saŭli Niiniścio, u kancy studzienia pieraabrany na druhi termin, znoŭ staŭ baćkam u 69 hadoŭ, paviedamlaje TASS.
Saŭli Niiniścio
U prezidenta Saŭli Niiniścio i jaho 40-hadovaj žonki Jeni Chaŭkio 2 lutaha kala 20:00 (21:00 pa Minsku) naradziŭsia chłopčyk. Pa słovach baćki, jaki prysutničaŭ pry naradžeńni, maci i dzicia adčuvajuć siabie dobra.
Pra toje, što ŭ siamji Niiniścio nieŭzabavie čakajecca radasnaja padzieja, stała viadoma ŭ kastryčniku. U kancylaryi prezidenta tady paviedamili, što, pakolki havorka idzie pra padzieju ŭ asabistym žyćci kiraŭnika dziaržavy, heta nie paŭpłyvaje na vykanańnie jaho biahučych abaviazkaŭ.
Niiniścio kiruje krainaj z 2012 hoda. Niiniścio i Chaŭkio ŭstupili ŭ šlub 3 studzienia 2009 hoda. Pieršaja žonka prezidenta zahinuła ŭ DTZ u 1995 hodzie.
Jeni Chaŭkio