U žycharoŭ histaryčnaj častki Mahilova pačali biez apaviaščeńnia zdymać spadarožnikavyja anteny
Mahiloŭskaje ŽEU-1 pajšło na žorstkija miery: siońnia va ŭłaśnikaŭ kvater u histaryčnaj častcy Mahilova biez papiaredžańnia źniali ŭstalavanyja samavolna anteny-«talerki», paviedamlaje «Mahiloŭ-anłajn».
Ustanoŭka anten, kandycyjanieraŭ i inšych kanstrukcyj na fasadach u histaryčnym centry horada vyklučna pa ŭzhadnieńni z haradskimi ŭładami — heta ahulnapryniataja suśvietnaja praktyka, a ŭ mnohich krainach takaja ŭstanoŭka naohuł zabaronienaja.
Ź inšaha boku, u Biełarusi pakul padobnyja žorstkija miery amal nie praktykujucca, a sacyjalnyja sietki Mahilova litaralna milhajuć fotazdymkami kamunalnych prablem, u dačynieńni da jakich tydniami, a to i miesiacami z boku haradskich słužbaŭ niama nijakaj reakcyi.