«Žančyna nie moža rassłabicca ŭ prysutnaści mužčyny»? Pobač z Chielsinki chutka zapracuje vostraŭ, kudy chłopcam ujezd zabaronieny
Stvaryć miesca adpačynku vyklučna dla žančyn pryjšło ŭ hałavu biznes-vumen Kryścinie Rot.
Kryścina Rot na svaim vostravie.
«Žančyna nie moža rassłabicca ŭ prysutnaści mužčyny. Pahladzicie, što adbyvajecca na plažy, naprykład. Varta tolki źjavicca mužčynam na haryzoncie, jak dziaŭčaty tut ža chapajucca za hubnyja pamady i rasčoski. Chaciełasia b zasiarodzicca na sabie, nie sprabujučy budaražyć harmony», — patłumačyła svaju ideju aŭtarka prajekta.
Kryścina adznačaje, što lubić mužčyn, ale jaje vostraŭ budzie dla tych, chto stamiŭsia ad «pieranasyčanaści testasteronu ŭ pavietry».
Svoj prajekt jana nazvała SuperShe («SupierJana»), a zabraniravać miescy dla naviedvańnia vostrava možna ŭžo na leta 2018 hoda.