Łaŭkostar Ryanair usio ž pryjdzie na ŭkrainski rynak
Irłandski łaŭkostar Ryanair paćvierdziŭ infarmacyju pra pačatak palotaŭ va Ukrainu vosieńniu 2018 hoda.
Pra heta paviedamiŭ hałoŭny supracoŭnik pa pravavych pytańniach i sakratar avijakampanii Ryanair Julijuš Kamorak, pieradaje Fly for Free.
Akramia taho, jon adznačyŭ, što abaviazkova buduć paloty z Ukrainy ŭ Polšču, taksama abmiarkoŭvajucca inšyja maršruty.
Ryanair — irłandskaja avijakampanija, najbujniejšaja biudžetnaja avijakampanija ŭ Jeŭropie. Absłuhoŭvaje zvyš 1,6 tysiačy maršrutaŭ pamiž 180 aeraportami ŭ 28 jeŭrapiejskich krainach i Maroka, ździajśniajučy bolš za 1,6 tysiačy rejsaŭ u sutki.