Historyk Źmicier Drozd za dva tydni sabraŭ 91% na vydańnie knihi pra Dunina-Marcinkieviča
Jašče ŭčora na rachunku prajekta na kraŭdfandynhavaj płatformie «Tałaka» była pałova nieabchodnaj sumy. Ale paśla pradprymalnik Ihar Žabaroŭski achviaravaŭ na knihu dźvie tysiačy. Dla atrymańnia nieabchodnaj sumy zastałosia sabrać usiaho 426 rubloŭ.
Kniha «Tajamnicy Dunina-Marcinkieviča», jakuju padrychtavaŭ historyk, publicyst i hramadski dziejač Źmicier Drozd, abiacaje być unikalnaj.
Heta vynik niekalkich hod pracy ŭ archivach. U knihu ŭvajšli śviežyja znachodki, jakija pryŭzdymajuć zasłonu tajamnicy ź bijahrafii kłasika našaj litaratury i źviazvajuć jaje ź vialikimi padziejami ajčynnaj i jeŭrapiejskaj historyi.
Heta zajmalnaje čytvo dla ŭsich, kamu cikavyja siužety litaraturnyja, histaryčnyja, detektyŭnyja, kryminalnyja, mieładramatyčnyja…
Toj, chto achviaruje na vydańnie praz «Tałaku», atrymaje knihu (i nie tolki jaje) pa nižejšaj canie.
Ihar Žabroŭski žyvie ŭ Minsku i pracuje ŭ IT-śfiery, stvarajučy pradukty dla rasijskaha rynku. Jon paśladoŭna padtrymlivaje biełaruskija kulturnyja inicyjatyvy: achviaravaŭ praz «Tałaku» na kursy «Mova Nanova», stvareńnie miemaryjalnaj doški Vasilu Bykavu, vydańnie «Chronik Narnii» pa-biełarusku.