Saakašvili zabaranili ŭjezd va Ukrainu na 3 hady
Staršynia Mastyskaha pahraničnaha atrada pryniaŭ rašeńnie zabaranić lidaru «Ruchu novych sił» Michaiłu Saakašvili ŭjezd va Ukrainu da 13 lutaha 2021, paviedamlaje «Ukrainskaja praŭda».
Pra heta paviedamiŭ śpikier Dziaržaŭnaj pamiežnaj słužby Ukrainy Aleh Słabadzian.
«Tak. Paćviardžaju. Sapraŭdy, kamandzir Mastyskaha atrada ŭ miežach paŭnamoctvaŭ pryniaŭ takoje rašeńnie, uličvajučy akaličnaści parušeńnia miažy M.Saakašvili ŭ vieraśni 2017 hoda i abapirajučysia na adpaviednyja rašeńni sudoŭ», — raspavioŭ pres-sakratar.
Jon udakładniŭ, što adpaviednaje rašeńnie ab zabaronie ŭjezdu raspaŭsiudžvajecca na ŭsie punkty propusku na ŭkrainskaj miažy.