Nokia stvaryła modulnuju «razumnuju» kurtku
Kampanija Nokia pradstaviła vysokatechnałahičnuju kurtku CHASE LifeTech FR, funkcyjanalnaść jakoj možna naładžvać za košt źmiennych modulaŭ. Kancept, pakazany na vystavie MWC 2018 u Barsiełonie, byŭ raspracavany pry ŭdziele karejskaha brenda adzieńnia Kolon, piša Engadget.
Śpiecvopratka žoŭtaha nieonavaha koleru sa śviatłoadbivalnymi elemientami, vyrablenaja z vodaniepranikalnych materyjałaŭ, aryjentavanaja na supracoŭnikaŭ pravaachoŭnych orhanaŭ, słužačych, pažarnych i pošukava-vyratavalnych bryhad. «Razumnaj» jaje robiać datčyki dla adsočvańnia častaty sercabićcia, tempieratury, ruchu (aksieleromietr) i miescaznachodžańnia (GPS).
Źmianiajučy moduli kala rukavoŭ i nahrudnaj kišeni, karystalnik moža naładžvać smart-kurtku tak, kab jana mahła vykonvać kankretnyja zadačy. Palicejski, naprykład, moža ŭstalavać videakamieru zamiest tempieraturnaha datčyka, jaki bolš spatrebicca pažarnym.
Źviestki, što zapisvajucca «razumnaj» vopratkaj, adpraŭlajucca na bazavuju stancyju, dzie ŭ režymie realnaha času apracoŭvajucca prahramnaj sistemaj češskaje kampanii GINA. Z punkta kiravańnia, naprykład, možna daviedacca, dzie zaraz znachodzicca karystalnik CHASE LifeTech FR i jaki jahony stan.
Kurtku možna myć, papiarednie źniaŭšy elektroniku. Zaradžajecca jana praz micrUSB-port. Kampanii-partniory majuć namier vypuścić kamiercyjny pradukt praz 12-18 miesiacaŭ.