Uvod abmiežavańniaŭ na biełaruskaje małako mohuć iznoŭ adkłaści
Uvod abmiežavańniaŭ na ŭvoz małaka ź Biełarusi ŭ Rasiju moža być jašče adkładzieny, zajaviŭ žurnalistam vice-premjer Rasii Arkadź Dvarkovič.
Raśsielhasnahlad z 26 lutaha płanavaŭ abmiežavać ŭvoz ź Biełarusi małaka i šerahu vidaŭ małočnaj pradukcyi dla pierapracoŭki.
«Mohuć być», — adkazaŭ Dvarkovič na pytańnie, ci moža być znoŭ pieraniesieny termin ŭstupleńnia ŭ siłu abmiežavańniaŭ Raśsielhasnahladu.
Vice-premjer dadaŭ, što pieramovy pamiž viedamstvami dźviuch krain praciahvajucca. «Jany iduć, hetyja pieramovy», — skazaŭ jon.