Dziaržava nazvała «Žančyn hoda — 2017»
Pieramožcaŭ haradskoha etapu respublikanskaha konkursu «Žančyna hoda — 2017» uračysta ŭznaharodzili na śviatočnaj imprezie ŭ Pałacy Respubliki, piša BiełTA.
Fota «Minsk-Naviny».
Konkurs pravodziŭsia ŭ niekalkich naminacyjach. «Žančynaj u navucy» stała zahadčyca kafiedry chimičnaj pierapracoŭki draŭniny BDTU, doktar techničnych navuk, prafiesar Natalla Čornaja.
U naminacyi «Lidarstva i paśpiachovaje kiraŭnictva» adznačanyja adrazu dźvie žycharki stalicy. Heta dyrektar pradpryjemstva «Minskinterkaps» Iryna Padabied, a taksama hałoŭny doktar 5-j haradskoj dziciačaj palikliniki Julija Hatoŭka.
Zahadčyca adździaleńnia partalnaj hipiertenzii 9-j haradskoj kliničnaj balnicy Alena Aŭdziej stała łaŭreatam u naminacyi «Ratujučy žyćcio». Jana pieršaja i adzinaja žančyna chirurh, jakaja vykonvaje transpłantacyju piečani ŭ Biełarusi.
U naminacyi «Duchoŭnaść i kultura» pieramahła redaktar adździeła kultury časopisa «Haspadynia» Valancina Palikanina, aŭtar 13 knih vieršaŭ i prozy, łaŭreat respublikanskich i mižnarodnych premij.
U naminacyi «Maciarynskaja słava» adznačana Taćciana Ramaška — razam z mužam jana vychoŭvaje 8 pryjomnych dziaciej.