«Maci zahadała siadzieć cicha». U Minsku ŭ zadymlenaj kvatery ratavalniki znajšli traich dziaciej u zamknionaj šafie
Dzieci skazali, što ŭ šafu ich pasadziła maci i zahadała siadzieć cicha.
Fota: Minskaje haradskoje UMNS
Supracoŭniki MNS znajšli ŭ šafie zadymlenaj kvatery troch dziaciej, paviedamlaje Minskaje haradskoje UMNS.
U subotu, 3 sakavika, na numar «101» pastupiła paviedamleńnie ab zadymleńni z kvatery na vulicy Kazimiraŭskaj u Minsku. Kvateru, u jakoj pavodle paviedamleńnia byŭ dym, adkryŭ haspadar.
Na kuchni była abharełaja kanapa. Sa słoŭ haspadara kvatery i jaho žonki, jany spravilisia z uzharańniem svaimi siłami, ale ŭ momant prybyćcia vyratavalnikaŭ parałon jašče trochi tleŭ. Pamiaškańnie znachodziłasia ŭ antysanitarnym stanie.
Ratavalniki kančatkova likvidavali zaharańnie, adnak u chodzie abśledavańnia kvatery zaŭvažyli dziciačyja rečy. Pa słovach haspadaroŭ, u ich čaćviora dziaciej, i ŭsie jany byli ŭ babuli.
Supracoŭniki MNS, pačuŭšy šum u dziciačym pakoi, u zamknionaj šafie znajšli traich maleńkich dziaciej: chłopčykaŭ 2008 i 2015, a taksama dziaŭčynku 2012 hadoŭ naradžeńnia. Jany siadzieli napałochanyja i byli ŭ nižniaj bialiźnie. Dziaciej dastali, supakoili, nakryli koŭdraj. Da miesca pa vykliku prybyli miedyki, jany dali zaklučeńnie, što stan dziaciej zdavalniajučy.
Sa słoŭ małych, u šafu ich pasadziła maci, skazała cicha siadzieć i nie varušycca.
Supracoŭniki milicyi ciapier vyśviatlajuć, čamu darosłyja pastavili žyćcio dziaciej pad pahrozu. Pryčyna pažaru vyśviatlajecca.