Pucin na NBC: Rasija nikoli nie vydaść abvinavačvanych va ŭmiašalnictvie ŭ vybary prezidenta ZŠA
«Nikoli. Rasija naohuł nikoli nie vydaje svaich hramadzian kamu-niebudź, hetak ža, jak i ZŠA», — zajaviŭ prezident Rasii ŭ intervju NBC News. Uryvak intervju telekanał apublikavaŭ 4 sakavika.
Admietna — Pucin nie staŭ admaŭlać, što da ŭmiašalnictva ŭ vybary mahli mieć dačynieńnie hramadzianie Rasii.
Śpiecproakuror ZŠA Robiert Miuler 16 lutaha pradjaviŭ 13 rasijanam i trom kampanijam z RF abvinavačvańni pa artykule «zmova suprać ZŠA» i «machlarstva». Ź fizičnych asob u abvinavaŭčaje zaklučeńnie ŭklučany,naprykład, Jaŭhien Pryhožyn.
Jaŭhiena Pryhožyna źviazvajuć sa stvareńniem «fabryki trolaŭ». Śćviardžajecca, što «troli» publikavali ŭ sietcy pa tysiačy materyjałaŭ na tydzień pra rasavyja prablemy, adździaleńnie Techasa, lehalizacyju zbroi i ŁHBT.