Biełaruskija vajskoŭcy voźmuć udzieł u vučeńniach «Słavianskaje braterstva» razam z rasijanami i sierbami
Vučeńnie «Słavianskaje braterstva» z udziełam rasijskich desantnikaŭ, biełaruskich i sierbskich vajskoŭcaŭ adbudziecca ŭ 2018 hodzie ŭ Navarasijsku, paviedamlaje TASS.
«Sumiesna ź biełaruskimi i sierbskimi kalehami na kubanskaj ziamli ŭ Navarasijsku budzie praviedziena vučeńnie «Słavianskaje braterstva», heta ŭžo čaćviortaje vučeńnie ŭ takim składzie», — skazaŭ kamandujučy PDV Rasii Andrej Sierdziukoŭ.
Pavodle jaho słoŭ, pryjarytetnym napramkam vajennaha supracoŭnictva źjaŭlajecca praca ź dziaržavami-členami ADKB, a najbolš «ciopłyja i siabroŭskija adnosiny ŭ PDV [Rasii] skłalisia ź Siłami śpiecyjalnych apieracyj Biełarusi».